Milliy va Zamonaviy O‘zbek Oilasi

O‘zbek oilasi qadimdan mustahkam qadriyatlarga ega: hurmat, mehr-oqibat, kattalarga ehtirom, bolalarga mehribonlik, mehnatsevarlik va odob-axloq mezonlari. Ajdodlarimizdan meros bo‘lgan bu an`analar bugungi globallashuv davrida ham o‘z ahamiyatini yo‘qotmagan.

Zamonaviy o‘zbek oilasi esa milliy qadriyatlar bilan bir qatorda innovatsion fikrlash, psixologik savodxonlik, sog‘lom muloqot, mediaxavfsizlik va farzandlar tarbiyasida zamonaviy yondashuvlarni o‘zida mujassam etadi. Bu uyg‘unlik farzandlarning ma`naviy, intellektual va psixologik barkamol bo‘lib ulg‘ayishida muhim o‘rin tutadi.

Ushbu platforma sizga aynan shu yo‘nalishlarda: ma`naviyat, tarbiya, psixologiya, ota-ona madaniyati, bolalar bilan ishlash, oilaviy muloqot va media savodxonlik bo‘yicha amaliy va nazariy materiallarni taqdim etadi.